قعدت أنادى ع الفضيله
يا فضيله
ولاعمرها ردِّت علىَّ ولاحتى لو كلمه وجميله
يمكن غلطت
يمكن ياواد اسمها
بيكون نبيله
طاب يا نبيله
ولاعمرها ردِّت علىَّ
ولاكلمه لو حتى قليله
رحت رايح جنبها
وفجأتها
انتى من أية فصيله
رُدِّى علىَّ يا طويله
بصت لى بصَّه وبقرف
حد قالك أن أنا راح اكون بديله
للفضيله
أو حتى فيه أخلاق نبيله
أسمى مصالح
بنت عم الشيخ نفاق
والعيله أخلاقها قليله
أنا اللى ماشيه
وجيت فى دُنيا أسمها
دُنيا الرذيله
واللى بتنادى عليُم
ماتو وخلاص
ومات معاهم الأخلاص
واللى فاضل منهم
كل الوظايف عندهم
صبحت عليله
أنا أصلى رمز المُفسدين
ولاعندى مله ولاعندى دين
بدوس فوق راس الطيبين
ميهمنيش لو ياكلوا طين
أو حتى ياكلوا يوم نجيله
أنا ممكن أقلب ضحتك
لهموم طويله
ممكن أجيله فى اى يوم
وأى ليله
وممكن أعمل ف البشر
أكتر وأكتر
والناس لقسوة سُلطتى بتكون ذليله
أرض الفضايل شققت
والغلبانين
ولا عمر احلامهم ف يوم اتحققت
والنُبل مات
والأُمنيات
لكن الرذايل بس ارتقت
ضيَّعت كل المعانى الطيِّبه
بس ويادوبك برَّقت
والمروءه ماتت خلاص
والكريم ساب الشهامه
ولما يوم عاتبت عليه اتطَّلَّقت
أبعد يا واد
جاك الف نيله
أبعد ياواد أنا مش عويله
اللى انته بتدوَّر عليه
مش هتلاقيه وبأى حيله
==========
مستر/عطيه الخُضرى
الأربعاء 14 يوليو 2021 - 17:02 من طرف admin
موضوع: قعدت أنادى ع الفضيله 
