كامل الاوصاف ..انت فين ؟انت مين ؟ وهتيجى امته ؟حلقة الاربعاء 3/4/2013

اعزائى اهلا بكم
من هو كامل الاوصاف ؟
الكثير من البنات يحلمن بفارس الاحلام كامل الاوصاف
ماهى الصفات التى تجعل الشاب كامل الاوصاف ؟
هل هى صفات جسدية ؟
هل هى صفات فى الشخصية ؟ وايهما افضل ؟
كلمة بين قوسين فى ودن الكبار الاباء والامهات
احيانا البنت بترفض وبتقول اى اسباب للرفض ومنها مش هو ده اللى انا باحلم بيه ..
مافيهوش حاجه من الصفات اللى باحلم بيها ..ولكن بمجرد ان يتقدم اللى قلبها بيميل اليه يبقى هو ده كامل الاوصاف
يعنى يا جماعة العمليه نسبيه مش صفات او معاييرثابته نقيس بيها كامل الاوصاف
يبقى هنا كامل الاوصاف اللى البنت مالت اليه او حبته او بتحبه وتول لنا احنا الكبار اللى هى متخيله اننا مش فاهمين هو ده اللى انا باحلم بيه هو ده كامل الاوصاف ..واحنا نعمل مش فاهمين..
المهم لا توجد معايير ثابته لكامل الاوصاف لكن بنات كتير بتحلم بكامل الاوصاف
هل نستطبع ان نضع انا وانتم بعض المعايير اللى ممكن تكون قاسم مشترك بين اكترؤ من حد ونقول عليها هو ده كامل الاوصاف
معا اعزائى وحكاية بنتنا اللى بتقول انا مش عاوزه اتجوز اى جوازة وخلاص لمجرد ان انا اتجوز لاه انا عاوزه شخص يكون كامل الاوصاف
مع حكاية هذا الصباح ورحلىة البحث عن كامل الاوصاف عن رسالة بنتنا ميم الف سين محافظة الدقهلية
....................................................................................................
كامل الاوصاف

عمرى الان 24 سنة جميلة وجامعية ومن اسرة ميسورة الحال الى حد ما مشكلتى وانا لا اراها مشكلة امى وخالاتى يرونها مشكلة اما انا فلا
مشكلتى اننى طموحة وخيالية او رومنسية وارسم صورة فى خيالى لزوج المستقبل وفارس الاحلام بمواصفات خاصة جدا وارفض تماما ان اتنازل عنها نعم انا ارفض كل من يتقدم لى لاننى اريده بنفس المواصفات التى ارسمها او رسمتها بنفسى احيانا يكون فارس الاحلام معيد فى الجامعة وحاصل على بعثة للماجستير والدكتوراه من من الخارج وانا رفيقته فى هذه الرحلة واحيانا اتخيله استاذ جامعى وقور احيان اخرى اتخيله طبيب مشهور وسيم يركب سيارة احدث موديل احيانا اخرى اتخيله رجل اعمال المهم انا اريد زوج المستقبل بمواصفات خاصة وحتى الان لم يتقدم لى احد وجدت فيه هذه المواصفات الخاصة انا فى انتظار فارس الاحلام ذو المواصفات الخاصة الوسيم الانيق الغنى الرومنسى ابن الناس
للاسف انا ارفض كل من يتقدم لى لاننى فى انتظار زوج المستقبل صاحب المواصفات الخاصة لم يصل بعد متى سيصل ؟ لا اعرف ..ومن هو؟ لا اعرف ..من اين سياتى ؟ لا اعرف ..ماطوله ؟ مالون عينيه ؟ ماهى وظيفته ؟ مالون سيارته ؟ اين توجد شقته ؟ واين يقضى الصيف ؟ هل يحب الموسيقى ؟ هل يحترم المراة ؟ هل سيكون زوجا يشوشا ؟ لا اعرف كلها اسئلة تدور فى ذهنى كل ليله ولا اجد اجابة لها ولم يدق باب بيتنا شاب به المواصفات التى احلم بها واحيا نا انا لا اعرف ماذا اريد
اجيانا وعندما يتقدم لى عريس اتحدث مع نفسى وافكر فى ان اوافق واقول لنفسى سيبك بقه من الخيالات والاوهام واعقلى يا بت ووافقى ولكن سريعا ما اجدنى اقول لا هو انا ها اعيش كام مرة وهتجوز كام مرة علشان اقبل جوازة زى دى وعلى طول ارفض دون تفكير لاننى اريد شابا كا مل الاوصاف ..زى ما بتقول البنات ما فيهوش غلطه من هو ؟ ومن اين سياتى ؟ ومتى سياتى ؟ لا اعرف
انا احلم بحياه مختلفة بمعنى جوازة مستريحه مش عاوزه حد لسه بيكافح ومحتاج حد يكافح كعاه ومش عاوزه واحد يقول تنعمل خطوبة وبعدين اسافر اكون نفسى مش عاوزه اتجوز بالقسط وافضل انا وهو نسدد فى اقساط انا عاوزه الحب والجاه والعز والوجاهه والغنى لاننى بالفعل استحق ذلك
هل انا صح والا غلط ؟
انا فى حيرة من امرى اقبل اى جوازه وخلاص علشان العمر بيجرى والا استنى لما احقق حلمى مع فارس الاحلام كامل الاوصاف ؟
احيانا اشعر بالياس واقرر اننى ساقبل اى حد واهى جوازه والسلام وبمجرد ان يتقدم العريس ويعرانض امامى كل اوراقه سريعا ما ارفض احيانا ارفضه علشا شكله مش حلو او هو اقصر منى واحيان لانه مش انيق فى اختيار ملابسه واحيانا لانه انزوح او انتوك المهم اى حد بيتقدم لازم الاقى فيه عيب ولازم الاقى مبرر للرفض
انا محتاره سنى اقترب من ال25 سنه ونسبة كبيرة من صديقاتى وزميلاتى تزوجن وانا ما زلت انتظر كامل الاوصاف الذى لا اعرفه ولا اعرف ملامحه انا لا ارى فى الانتظار مشكله ولكن امى وخالاتى وعماتى يرونها مشكلة كبيرة
هل انا صح والا غلط
انا احيانا بارفض من غير سبب
هل انا صح والا غلط

المهم انه ييجى باى شكل وباى لون ما تفرقش بس ييجى

» ملعون هذا الحب (حلقة الاربعاء 22/5/2013)
» زوجة لنصف رجل ...( حلقة الاربعاء 8/5/2013)
» الاعتراف الخطير(حلقة الاربعاء 10/4/2013)
» جوازه على ورقة كراسه(حلقة الاربعاء 27/3/2013)
» بين الاسوأ والافضل الحلقة رقم 1 للعام التاسع عشر من عمر البرنامج (حلقة الاربعاء 2/1/2013)