بصلة المُحب خروف

مانيش لاقى أجيب لى خروف
أنا نفسى أضحى ياناس
ولو هعمل ف يوم معروف
عاوز واحد يكون كبير
سمين معلُّوف
واوزع لحمه ع الفقرا
وانا منهم اخد نايب
واضحى ازاى
وانا مش لاقى للولاد مصروف
عشان الدنيا حبسانى
وقلبى بالهموم مكتوف
دانا مش لاقى اجيب عشه
عشان تسترنى أبات فيها
قاعد فى شقه مخنوقه
مع اولادى
وايجارها فوق العادى
سنين بدفع الوف والوف
صاحبها دا مبيحسش
ولايقدر لحد ظروف
راجل طماع
وكل شويه بيزوِّد
ولا بيحيد عن الكلمه ولا يحوِّد
صحيح حلُّوف
برغم الشقه مخنوقه
ماهيش ع الرووف
اصل الحظ فى الدنيا
صحيح أعمى وصحيح مكفُوف
برغم اللى حكيت عنه
لازم ادبح ولو بصله
دا بصلة المُحب خروف

عليك بالاستغفار وبالاستغفار تفتح ابواب الرزق

رائع ومشكور سيدى
يييييييي

» اخر نكته خروف مفتح
» جبنا خروف العيد
» ### منتدى الفرفشه ### وبخيل اشترى خروف
» النكته بمليون جنيه (((( نكات عن خروف العيد )))))) ربا اضحكتكم ههههههههههههه
» نظره متأنيه فى النظر الى مثل شعبى اكله هنيه تكفى ميه وبصله المحبه خروف