أيه اللى ف الدنيا حصل

أيه اللى ف الدنيا حصل
الاحترام منها اتنسل
كات مشكله
وربنا سخَّر ملاك
كل جهد يعمله
وكل ناقص كمِلُه
يحمينى واهلى م الهلاك
والملاك كلِّم حُوريَّه
وكل جهد بيتعمل
كان جهد ليَّه
يارب دايما بحمدك
مين لى سواك
فرجك مهما يبعد وصل
أيه اللى ف الدنيا حصل
الاحترام منها اتنسل
الملاك ويَّه الحُوريَّه
سهِّلوا ليِّه
عشان أقابل المحافظ
فضلُهُم
ولا عمرى يوم راح انكره
وقلبى حافظ
دخلت لمدير مكتبه
وللاسف طلع زميلى
تخته واحده وفصل واحد
كان زميلى ف الدراسه
لكنه معدوم الحساسة
شافنى ع الكُرسى انجعص
وكان كلامه زى اللِياسه
ومفيش لباقه أو كَياسه
أنا قلت له وكُلى أمل
أنا نفسى أقابل الرياسه
ليه يا سيدى
أنا هنا أبقه الرياسه
بس اللى حز ف نفسى
انه قالها وبغلاسه
خلانى أحرجت الملاك
أبو قلب ماسه
وألِّس عليِّه
لما قلت له ع الحوريه
أنا جاى من طرفها
رد أيوه ياعم أنا أعرفها
وكان وشه اسود
زى قلبه مليان عباسه
لو سمحت عاوز المحافظ
عندى مصالح
رد بفتور
مالكش صالح
اللى عاوزه مفيش قراره
أنا مش بدخَّل
غير رؤساء المصالح
وانته يادوب فرد عادى
وهىَّ دى نعم الاصول
ريحة الفجاجه
والنتانه
فى المعامله
أقل منها وربنا ريحة البصل
أيه اللى ف الدنيا حصل
الاحترام منها اتنسل
هل يا ترى موجود أمل
هل يا تُرى
جرح السنين
ييجى له يوم وهيندمل
وحلمنا معقوله يوم
راح يكتمل
بعد المرارة
هل ياترى
راح ييجى يوم وندوق عسل
أيه اللى ف الدنيا حصل
الاحترام منها اتنسل

اللى حصل الازاز انكسر

ياست روح الرد ده سخريه
وطول عمرى عارفك كده
كريمه وابيه
والمنتدى محترم
بناسه واللى فيه
واساتذه فى التربيه

سيدى الشاعر الجميل لاسخريه ولا جديه

انا اقصد بالازاز اللى انكسر ان الحياه راح وضاع ومعه المبادىء والادبيات[b]

لاتحزن من سوء تصرف الآخرين
لا تيأس مهما احبطك الآخرون
لم يترك الخالق عبد خلقه
وكل انسان ميسر لما خلق له
الاستاذ الفاضل
انت شاعر مطبع بالكلمة الجميلة الموزونة
وهذا حظك
واياك ان تيأس منر حمة الله
فأنا ممن ظلمتهم الدنيا مثلك
ومع ذلك اتمسك باشراقة امل
متى الله اعلم

كلنا يا اخواتى اهل
واللى يفكَّر غير كده
جاهل ويستحق الجهل
الصعب فى الدنيا الامانه
لكن الخيانه والله سهل
ولوحد هيعاتب اخوه
ياخده كده بذوق
وعلى مهل
والاحترام مابينَّا لازم
لافرق بيننا بين كبير أوكهل

الشكر كل الشكر لاختى روح
شكر اكبر منك طاقه
والف شكر لعيونك يا اشراقه
على خير نتعارف ونتلاقه
فلاورث يفرقنا
ولا جمل ولا ناقه
لكن حب وأخلاق
نفوس تجرى وفَّاقه

استاذ عطية صباح الخير
هذا هو حال المسئولين فى البلد
ويجب ان نكون اكبر من صغار النفوس
ولك تحياتى

» ياولاد اه اللى جرى فى الدنيا فيه اه
» ست كمل من بتاع زمان الحلوين الجمال جدا لما تسمع اللى بيحصل فى الدنيا تقول والنبى يابنى العقلين اتجننوا والمجانين عقلوا محدش يسأنىمين العاقل ومن المجنون انا بين الاثنين لسه فاضل برج
» ايه يا بلد –ايه اللى صابك
» ايه اللى فيك ينحب
» مش هو ده القلب اللى قال لك يوم بحبك