عطيه الخضرى
عدد المساهمات : 16
نقاط : 29
تاريخ التسجيل : 11/09/2012
العمر : 59
 |  موضوع: ليِّه حق بيه أطالب  الجمعة 21 سبتمبر 2012 - 6:27 | |
|
ليِّه حق بيه أطالب
وانته ليك برضه طالب
والثقافة اصبحت
هيَّه المطالب
للى مش طالب وطالب
كُلنا اصبحنا سالب
حتى الوديع ربى المخالب
واتنوعت كل الفرايس للثعالب
ولافيش ايجابى
كلنا مجرد سوالب
التورته بانت حجمها
لما استباحت
كل العصابه اكلها
معدش فاضل منها
الا اسمها
ولاشكلها ولا رسمها
والكل عايز منها
واستخدموا كل الحيَّل
واتفننوا ف عمل المقالب
ليِّه حق بيه أطالب
وانته ليك برضه طالب
الثقافة اصبحت
هيَّه المطالب
للى مش طالب وطالب
والمدرسه شطبت
معدش فيها أى فصل
معدش فيها اى طالب
اللى مش لاقى الوظيفه
واللى عايش ع الزباله
اكلهم زى الكلاب
ميته وجيفه
والقلوب صبحت كفيفه
واللى باستحياء يطالب
مختشى ونفسه عفيفه
كلهم اعذار بجد
بحقهم لازم نطالب
اما اللى مش عاجبه المرتب
واللى من ربه ما خاف
واللى عايز حد ادنى تلتلَّاف
واللى مش عاجبه المرتب
عاوز يحوش ف اللحاف
قلبهم أسود بجد
ومش نُضاف
المرتب والدُروس
عينى عينك
للى سامع واللى شاف
والرقابه مفيش رقابه
ولا من ربنا فيه حد خاف
حقك حتاخده بالانصاف
حقك حتاخده حق صاف
سيب اللى عاطل يشتغل
الحكايه مش اختطاف
لما تهدأ فيها الامور
أنا برضه زيَّك هطالب
كلنا ف نفس الجدار
قالب وقالب
ليِّه حق بيه أطالب
وانته ليك برضه طالب
والثقافة اصبحت
هيَّه المطالب
للى مش طالب وطالب | |
|
admin
Admin
عدد المساهمات : 2245
نقاط : 4031
تاريخ التسجيل : 14/05/2009
الموقع : تنمية مهارات العمل الاعلامى
| | موضوع: رد: ليِّه حق بيه أطالب الجمعة 21 سبتمبر 2012 - 8:41 | |
|
هذا تعبير صادق عن حال مصر بعد الثورة
ربنا يستر
| |
|
