هل البنت زى الولد؟

ا كتبت تقول لى
السلام عليكم ورحمة الله وبركاته

من واحنا صغيرين نسمع ماما اوبابا يقولوا لينا( عيب دا انتى بنت) زى ما تكون البنت دى وباء يعنى

او انسان مفروض يكون معصوم من الخطأ.أما الولد يا عينى عليه سى السيد يعمل اللى على

مزاجه لا حد بيحاسبه.بس سى السيد واهله نسيوا أن ربنا شايف ومطلع عليهم .وبيحاسبه

زيه زى البنت . ما هما الاتنين بنى ادامين بيتحاسبوا على الغلط. والغلط مش بيتحدد بالجنس

الغلط غلط. فى الزنا الست والراجل بيتحاسبوا .على الصلاة الاتنين بيتحاسبوا .فى كل حاجة

الاتنين بيتحاسبوا.وتلاقى الولد و اهله بيحكموا على البنت انها وحشة علشان بتكلم اولاد

وممكن يسيب واحدة بيحبها علشان بتكلمه يعنى مش عندها اخلاق . طب ما هو بيكلمها.وبيوعدها

انه يتجوزها وبيكدب وبيضحك عليها.يعنى هو كمان مش عنده اخلاق اكتر منها.

أن طبعا مش مع الموضوع ده ولا مع أن البنت تتنازل عن حيائها وتبقى زى الولد

بس عايزة نظرة المجتمع تتغير لفكرة أن ده ولد ودى بنت.تبقى ده بنى أدم ودى بنى أدمه.

وعايزة أقول للولد أوعى تخلى حد يضللك ويفهمك أنك فوق الغلط وأن افعالك مش هتتحاسب

عليها علشان ولد. اتقى الله واعرف أنك أذا كنت دلوقتى أمام عباد تضللهم ويضللونك

سيأتى يوم تقف أمام رب العباد.فاعمل لأخرتك بعمل صالح وتقوى الله.

وللموضوع بقية

قال تعالى:
( أني لا أضيع عمل عامل منكم من ذكر وأنثى ).
وفال رسول الله صلى الله عليه وسلم:
كلكم راع وكلكم مسؤل عن رعيته........
موضوع جميل نشكرك عليه شكرا جزيلا

» هل البنت زى الولد؟ ( 2)
» هل البنت زى الولد؟ ( 3)
» هل البنت زى الولد؟(4)
» هل البنت زى الولد؟ (5 )
» هل البنت زى الولد؟ (6 )