مجرد مناقشه ((( هل نجاح شفيق نهايه ثوره 25 يناير كما يدعى البعض

صباحكم سكر تتفق مع العباره ام تختلف ولماذا[b]

السلام عليكم و رحمة الله و بركاته

تحية طيبة للاستاذ المحترم محمد فوزي

انا لست عضوة باي حزب سياسي و لكن ............فرضت الظروف علينا اختيارين قد نختلف مع كليهما

الاسباب التي قادت لهذا الشرك الذي وقعنا فيه هو سكوتنا عن نصح الناس و تعريفهم بالحقيقة و هي بالتاكيد ليست التي يروج لها الاعلام المرئي و المقرؤ

اولا. لماذا الخوف من بعبع الاخوان؟

اقول الاجابة . الاجابة قالها مبارك قبل التنحي لما خوفنا بيهم عشان نسيبه يلم اوراقه كام شهر و يخرج من الحكم سلطان زمانه بزفة عسكريه شكر و تقدير له و لزوجته الفاضلة التي جعلت مصر خالية من شلل الاطفال لكنها مليئة بالكبد الوبائي و فيرس سي و الفشل الكاوي و .....الخ

ثانيا. تعالوا ننظر لدولة زي تركيا لما الحاكم و الاغلبية في البرلمان من الاخوان المسلمين ايه النتيجه اقولكم ................ تضاعف دخل الفرد 4 اضعاف و نص ؟؟؟؟؟؟؟؟؟يعني بالبلدي كده اللي كان بياخد الف بقى بياخد اربع الاف و خمسمية ................

ثالثا هذه الزياده في الدخول لم يصاحبها زياده في الاسعار يعني الاسعار زي ما هي يعني الاوضاع الاقتصاديه اتحسنت

لما سالوا الاخوان هاتعملوا كدة ازاي ردوا بكل تلخيص هانمنع السرقة من البلد.........

ثالثا هو الناس اللي خايفة من الاخوان كانت جربتهم قبل ما تحاربهم ولا هو ترديد كلام و خلاص لكن للاسف احنا جربنا الحزب الوطني و ما ننساش ان شفيق كان بيقول مبارك هو مثلي الاعلى و عمرو موسى كان بيقول مبارك حازم و مقاتل و سياسي بارع و يستطيع الفصل في الحكم بين سلطته كحاكم و بين اسرتة و طبعاكلنا اتاكدنا من صدق كلامهم الاتنين



طيب تعالوا الناحية التانية

الاخوان كلهم دخوا المعتقلات ابو الفتوح دخل 15 سنه المعتقل

اولاده السته في اعلى المنصب اللي دكتورة و اللي مهندس

طيب اللي يعمل كده تحس انه ممكن يضيف للبلد ولا لا

هما لو كانوا مش من المعارضة الديكور زي غيرهم كانوا استقووا عليهم و خبوهم في المعتقلات خوفا من سلطانهم و قوتهم

انا شفت بنفسي في انتخابات مجلس الشعب 2005 كان نازل مرشح اخوان و انا كنت وقتها غير مهتمة بالسياسه ولا تفرق معايا بس فاكرة انه جه الشارع عندنا في جولة انتخابيه و طلع علية شوية بلطجية من الحزب الوطني و ضربوه هو و اللي معاه و الناس خبوه جوة بيت حد من الجيران و كان عبد الاحد جمال الدين في الدايرة بتاعتنا و قال انا حانجح غصب عن البلد كلها و فعلا نجح غصب عننا و جايين دلوقتي بعد الثورة و الشباب اللي زي الورد اللي ماتت و الانتخابات الحرة ننتخب صاحب و الريس و ظله لا و الاعلام اللذيذ بتاعنا يقول النهارده اسرائيل زعلانه ان مرشح الاخوان مش هايسكب و ان شفيق فرصته في الفوز كبيرة ياناس خليكوا اذكى منهم و افهموا قواعد اللعبة بقى



دا محك مهم و انا و الله مش باحب اتكلم في السياسه كل واحد حر في رأيه و انتماؤه السياسي بس دلوقتي ما ينفعش دي فتنة كبيرة زي فتنة المسيخ الدجال و الله

و حتى لو سكنتا و قولنا خلاص مالناش دعوة طيب ماهو صوت الباطل هايعلى لما صوت الحق يسكت يا جماعة احنا مش بننتخب الاخوان احنا عاوزين ننتخب اللي يجمل مصر



فيه كمان نقطة مهمة طالما فتحنا الحوار في الموضوع ده

انتشر على الفيس بوك و الاعلام اشاعة ان الاخوان بيوزعوا سكر و زيت عشان الناس تنتخبهم طيب اللي شاف حاجه بعينه يقول

انا شفت

وائل الابراشي يوم 23 كان مع مراسل ع الهوا من امام لجنة انتخابات و المراسل بيقوله بيوزعو سكر و زيت .. وائل فرح قوي و قاله مين اللي بيوزع ؟ رد المراسل قاله ماينفعش اذكر هو بس حد من المحسوبين على النظام السابق؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا وائل الابراشي اتكبس بالبلدي كده و قاله ازاي دا الاخوان هما اللي بيوزعو ع الفقرا ههههههههههههههههههههههه و ..................................................طلع فاصل

اولا شكرا لسموك
مرورك الطيب والواعى
وتعطرت الصفحات بمرور اولاد الناس الطيبهاحترم الشخصيه الاقناعيه الواعيه والمدركه لمجريات الامور
رائعه دوما سيدتى الفاضله والجميله[b]

شكرا لتعطفك علي بالتعليق رائع انت دوما سيدي الفاضل

كل الشكر لنبل اخلاقكم الطيبه[b]