الأحاسيس النابعة من القلب.

تختلج في قلوبنا مختلف أنواع المشاعر المتضاربة حيال

المواقف المختلفة التى نمر بها في دربنا الشائك الحياتي

وتلك هي الأحاسيس النابعة من القلب.

احساس .. بشع
انك تصون
وبعدين تهون
انك بتوهب حتى العيون
وتظهر اخلاصك على كل لون
وحبيبك يخون
--
إحساس مزعج
انك بسرك تبوح
انك بتفتح فى قلبك
كتاب مفتوح
انك تامن وتبنى ف صروح
انك تامن على نبض قلبك
وتوهب الروح
انك بعد انك تأمنه
فى لحظه تلاقى كله مفضوح

إحساس مرهق
ويمكن يزهق
انك تختار بحرص ارضك
وتفضل تدور
انك فى ارضك تعدل
تحسن تطور
انك بحب تروى
ارضك بميه عيونك
وتزرع بذورك
وتسجلها ذكرى
وتفضل تصور
انك تصر
وتصدق ارادتك
ولا يوم تزور
وبعدين بتفشل
والحظ يتهور
إحساس ومرعب
ان يصيبك مصيبه فى حبيبك
وان ف عزيز بلوى تصيبك
اخوك 0ابوك 0سلفك0 نسيبك
انك تكون فى غايه السعاده
ويتغير نصيبك
إحساس و مؤسف

انك تدى بحب
لكل شىء
وما تلاقى شىء
ان يضيع
نور الطريق
انك تلاقيك وحيد
ما تلقى الصديق
انك تحس
انك بجد جوه المحيط
زى الغريق
ولا حب جنبك
ولاكلمه تبل الريق

إحساس مخيف جداً
انك تحس لسانك يموت
انك فى وقت الكلام
ما تلاقى الكلام
ولاحتى السكوت

انك تكون محتاج لحب
وتسيبك حياتك
وتلقاها موت
انك تلاقى عيونك
تبكى بصوت
إحساس لا يوصف
انك تقف فوق قبر حبك

او قبر حد عملك كتير
انك تحدث طوب القبور
زى الرضيع وحزنك مرير
ان تحس ان البكا
مهما كتر
دايما
بسيط ماهوش كتير

إحسـاس و قاس

انك تحس وسط الطعام انك تجوع
انك وسط الامان تكون مفزوح
انك متعرفش تانى
لشطك رجوع
انك بتبكى نار
جوه الضلوع
انك فى عز الامل
تدوق الخضوع
انك تعشق الظلام
وما تقدر تقدر ضى الشموع
إحساس و مؤلم
انك تنخلع من قلب ارضك
انك تسمع كلام ربك
وتهمل فرضك
ان تقطع من جوه قلبك فطرتك
زهرك ووردك

إحساس و قاتل
انك تدور على حب
منتش لاقيه
انك متحسش بحبك
وانته عايش فيه
ان ىانفاسك تضيق
وما تقدر لحبك ىتحتويه
إحساس ممل
ان تقرأ لحد مش فاهم
ان ترد العيبه عيبه وتساهم
انك طب واثق
انك على حق
وانته واهم
ان تخلتلط جواك المفاهم
فيه حد فاهم
انا وبجد مش فاهم

زائر

ايه ده ؟ مستواك تدنا خالص يامستر

شكرا يا عم لو انا مستوايا تدنه
يبقى انته لازم تسرح بمشنه
ولا اقولك استنه
انا لو كترت فى كلامى
هغلط
وغلطى هيشيلنى ذنب
وابعد عن الجنه
لو مش عاجبك متعلقش
يكفيك يا ابنى شر لساننا
وانته ف شانك واحنا ف شاننا
احنا العيله
اتفه ما فينا احسنا

» ||♥ القلب هو القلب ♥ و القبر صندوق العمل ♥||
» أأأأ الاستفتاء الوجدانى أأأأ متى يكسر القلب ومن يملك كسره واذلاله وهل يمكن ان يلتأم جرح القلب مره ىاخرى
» من القلب
» القلب هو القلب
» ((وجــــــــــــــــ ع ♥القلب♥))