هوده نهاية المطَّاف
حرُقه وسرقه وبلطجة
وسوء أدب
ويَّا ضرب واختطاف
ياخلق هووه
ربنا واحد
اسلامنا واحد
ولافيه حديث
ولانص قرانى
قال فى مره اننا أحلاف
يبقى لصالح مين الاختلاف
ثورة ايه
وزفت ايه
ولاجات حقوق
ولاشُفنا عدل ولا أنصاف
والناس تمشى تترعب
ولاعدش أمن ولاعاد امان
ولاعدش فى زماننا النُضاف
متروح حُكومه
وتغُور فى داهيه
وتيجى تانيه
والقرار يطلع ف ثانيه
البلد دى ملكنا
مش ملك حزب ولا اوقاف
يرضيكوا يعنى تنحرق
او تنسرق
والرجوله تكون ورق
الرجوله فى المصلحه
مش فى العناد ولا فى الخلاف
ولاعاد عمل ولااكل عيش
ولاعاد فقير عارف يعيش
حتى الامان اصبح مفيش
والحرام بقه عينى عينك
والبلطجه مبتداريش
الطيور ماتت ياريس
ولافيه جناح
ولاعادش ريش
ومصرنا ايه ذنبها
تبات بدمعة خدها
اعدل بقه
ولا انته منتش ابنها
ومعدش حد يحبها
قالوا عنها يوم عزيزه
واهوحزبكم جه ذلَّها
ايه ذنبها
مش ربنا
وف محكم التنزيل
قال اسمها
والرسول اوصى بها
وبكل خير لاهلها
ولامحدش
عاد من ربنا بيخاف
الأربعاء 14 يوليو 2021 - 17:02 من طرف admin
موضوع: هوده نهاية المطَّاف 
